★作者講兩句 
四十七年前，我寫了《梅櫻集》，到今年二〇二三年，相隔四十七個年頭，方再出版了《梅櫻二集》。有幾篇如今看來，似未過時，尤其是〈新感覺派與新興藝術派〉一文（刊七六年的《明報月刊》），除了介紹日本近代兩個著名的文學流派，還隱含着我的文學觀：「反對隱晦難明，文字歐化。」當年以為會有附和追隨者，結果寥寥無幾。四十餘年後的今日，這種早被日本文學家摒棄的文學觀念，仍舊行屍走肉地存活着。除了〈新感覺派〉，還有記述松本清張、井上靖、東洋歌舞伎、東洋刀劍等的幾篇文章，花了不少心思，希望我的讀友們都能得讀，你們的喜歡，正是作者最大的榮耀和幸福。

>網上試閱<（PDF模式）
 
《迴響》總編伊死私心閱讀導賞：
 
鍾意日本文學嘅朋友，都好應該睇呢一本書！
 
沈西城數十年前名作《梅櫻集》延伸閱讀作品，淹沒喺歷史洪流當中嘅中日文學史料重見天日。
 
好多人都知道沈西城擅寫散文、人物傳記，其實佢嘅翻譯作品亦都非常出色，尤其翻譯日本文學更見功架。《梅櫻二集》取中日兩地嘅花做書名，代表中日文學之間嘅交流，喺文集入面收錄咗好多珍貴嘅記錄，有第一手作者筆記、當年嘅報導文章等等，都非常值得珍藏。
 
梅花、櫻花，代表中國文學同日本文學，透過翻譯日本文學大家第一手嘅史料，更加了解當代日本文學大家背後嘅故事同創作思維。

其中沈西城老師自己再三推介嘅，係《梅櫻二集》收錄咗有關松本清張嘅創作主張，更加係值得大家參考同埋好好思考，獲益良多。
 
《梅櫻二集》嘅文章係幾十年前嘅作品，相隔咁多年，經由初文出版社翻閱舊誌，逐一搵番出嚟編錄成書，先至可以重見天日，如果唔係嘅話，呢一批文章就會淹沒喺歷史洪流。文章有價，經得起時間考驗，時至今日仍然趣味盎然。
 
★《迴響》主編私心推介文章
李香蘭自傳式筆記，記下佢本人由細到大嘅心路歷程。李香蘭一生驚濤駭浪，國籍身份敏感，令佢差啲成為中國人口中嘅漢奸入獄。回復日本人身份之後，佢又點樣看待中國呢片土地？
 
 
 ★作者簡介 
沈西城，原名葉關琦，上海人，四歲來港，接受英式教育。七十年代初，遠赴日本，研習日語，遍讀名著，尤崇谷崎潤一郎和永井荷風。回港後，從事文字工作，編過經典電視劇《京華春夢》，寫過電影《龍虎風雲》等。及耳順，專事掌故文化創作，倡議雅俗共賞，近年結集成書有《梅櫻集》、《舊日滄桑》、《舊日風景》、《舊日煙雲》、《懷舊錄》、《西城紀事》、《西城憶往》、《江湖再聚——武俠世界六十年》、《陳惠敏傳奇》、《星球頑童：倪匡傳奇》、《西城文選：舊夢依稀》和《夢迴香江》等。