沈西城「舊夢系列」最新作品！

舊夢不需記？往事歷歷在目猶如昨日，如夢似幻但又如此不偏不移，是耶非耶？
憶起往事總是美好如初，重溫舊夢，讓思潮來個快意之旅，穿越古今一探往昔。
 
《舊夢迷濛》四章，「追憶故人」、「光影鎂光」、「說文解話」以及「雜話人生」，記下沈西城人生各個重要章節，無論是影視名人還是文壇舊話，甚至身邊親友乃至個人經歷，都與社會絲絲相扣，總有篇章引起共鳴。
 
 初版限定明信片送畀《迴響》讀者！
 現已開放預購，敬請繼續留意最新出版消息。
 
＞試閱＜（PDF格式）
 
 ★「舊夢」何以「迷濛」？
 
沈西城老師近年以七十幾歲高齡投入寫作，幾乎每日有執筆嘅習慣，每年都有新書推出。當中文選散文集「舊夢」系列受到讀者歡迎，幾乎每次出版都被搶購，全賴作品選文內容豐富，既有香港掌故，亦有港日之間嘅文化，結集影視、生活、文學，雅俗共賞。
 
最新散文集依循「舊夢」系列取名《舊夢迷濛》，以一位白髮老人舉案書寫作為封面插圖。有網友認為未免太慘情，但係沈西城老師認為封面老人就係自己嘅寫照。今次喺作品入面懷念亡妻、記低與父親嘅生活點滴尤為動人，對比今日獨守一室，自然難免有啲滄桑感，呢一點正正係作者想表達嘅情懷。
 
以為老師只記舊事？又估佢唔到，舊年佢睇咗《毒舌大狀》《別叫我賭神》等等新拍嘅港產片，身為一個電影編劇，沈西城老師又點樣睇呢兩套電影？
 
 
 ★《迴響》主編私心推介文章
喺香港大談日本影視而又精彩絕倫嘅文章唔多，《舊夢迷濛》就入面收錄咗兩篇講日本「粉紅電影」嘅隨筆，精彩非常，好值得大家留意。
 
咩係「粉紅電影」？可以咁理解：「香艷以上，色情未滿」。
 
日本有一段時間票房唔好，而製作成本較低嘅粉紅電影竟然殺出一條血路，一時之間，任何題材只要加入少少粉紅泡沫就可以吸引觀眾入場，仲捧紅咗一堆性感女神。唔好以為呢種粉紅電影嘅質素一定唔好，當中有唔少照顧到觀眾嘅視覺觀感兼藝術成份，可以話相當高質。想了解多啲，睇吓沈西城老師嘅介紹，一定大開眼界。
 
 ＞創作秘話：我可能係史上第一個被作者NG筆名嘅責任編輯  
 
 ★作者簡介 
沈西城，原名葉關琦，上海人，四歲來港，接受英式教育。七十年代初，遠赴日本，研習日語，遍讀名著，尤崇谷崎潤一郎和永井荷風。回港後，從事文字工作，編過經典電視劇《京華春夢》，寫過電影《龍虎風雲》等。及耳順，專事掌故文化創作，倡議雅俗共賞，近年結集成書有《梅櫻集》《梅櫻二集》、《舊日滄桑》、《舊日風景》、《舊日煙雲》、《懷舊錄》、《西城紀事》、《西城憶往》、《江湖再聚——武俠世界六十年》、《陳惠敏傳奇》、《星球頑童：倪匡傳奇》、《舊夢依稀》和《球王張子岱傳奇》等。